دبس البندورة المنزلي

 

يمكن كتير ناس تشتغرب ليه 

بدي اعمل دبس البندورة او رب البندورة او معجون البندورة بالبيت خاصة انه متوفر ورخيص نسبيا !!! فعليا معكم حق بس لما يكون عندك ما شاء الله فائض من البندورة العضوية اللي زرعتيها وكمان بدك تحاولي تقللي من المواد الحافظة اللي بتدخل جسمك ممكن نقول بيصير عمل رب البندورة فكرة جيدة

سواء كنتو مؤيدين للفكرة او من مؤيدين المثل "شراية العبد ولا تربايته" هي الوصفة للي بيحب وبدها وقت على النار فاللي عنده جطب 

بيكون اوفر كمان من الطبخ على الغاز

دبس او معجون او رب البندورة

المقادير:

5 كيلو بندورة مطحونة ناعم بقشرها وممكن تقشروها وتشيلو البزر

2 ملعقة صغيرة ملح بحري

1/2 ملعقة صغيرة ملح ليمون او 2 ملعقة طعام عصير ليمون

الطريقة:

توضع كل المقادير معا في قدر على النار وعندما تغلي تخفض الحرارة الى منخفض ونستمر بالتحريك كل فترة لتنخفض كمية البندورة وتصبح سميكة (العملية ستأخذ ساعات وتحتاج صبر)

توضع بالفريزر بالكمية المطلوبة مثل كاسات صغيرة او صواني الثلج السيليكون