بودينج البريوش بصوص الكراميل المملح

 

من الفيديوهات اللي حابة اعملها على الاقل مرة بالشهر هي اني اشارككم رحلة تسوق للسوبرماركت ومع اني ما صورت بالمكان لانه كان عجقة وناس وما بدي انحرج او احرج حد الا اني رح استعرض معكم بالفيديو اللي تحت شو اشتريت من مكانين ورايي بالشوبينج من خلال التطبيقات مقارنة بالروحة على السوبرماركت 

ووصفة اليوم هي ليودينج بيشهي وبيتاكل دافي ليدفي القلب بيطلع من الفرن وبينصب عليه صوص كراميل سهلة ممكن تعملوها لاي حلو بده كراميل

بودينج البريوش بصوص الكراميل المملح

المقادير:

8 قطع خبز بريوش (انا استخدمت سويتز) مقطع مكعبات

كوب حليب

كوب كريما (طبخ او خفق)

2 بيضة

2 باكيت فانيلا او 2 ملعقة صغيرة فانيلا

6 ملاعق طعام زبدة مذابة

1/2 كوب سكر بني فاتح

للصوص:

1/4 كوب كريما

1/4 كوب زبدة

1/4 كوب سكر بني

رشة ملح بحري

الطريقة:

توضع قطع الخبز في صحن بايركس

تخلط مكونات الكاسترد (البيض والفانيلا والحليب والكريما)

تضاف للخبز

تخلط الزبدة والسكر وتضاف

تغطى وتترك ساعة بالثلاجة

يحمى الفرن ل 350 ف او 180 مئوي وتخبز من 10-15 دقيقة لتتحمر

نحضر صوص الكراميل بخلط كل المواد معا على نار متوسطة لتتجانس وتغلي

تسكب ساخنة فوق البودينج الساخن

يقدم دافي والف صحة