طبخات بالملفوف: الملفوف على الطريقة المصرية وسلطة وغيرها من الافكار

 مع الثلج والبرد اظن بدنا دفا والملفوف بشكل عام من الخضار الشتوية بامتياز خاصة المحشي...يعني بعرف انع صار يضل طول السنة واكيد بنحبه بالسلطات بالصيف الا انه محشي الملفوف من الاكلات الشتوية واللي جد بتدفي القلب.

طبعا في طرق كتيرة لسلق الملفوف بس شخصيا وبعد تجربة كتير منها لقيت انه طبيعة ملفوف الشتاء بيميل عنا في الاردن انه اوراقه تكون سهلة التفكيك قبل السلق. الصراحة اني بشكل عام حبيت طريقة حط الملفوفة بطنجرة كبيرة لتفكفك الاوراق بس العيب اللي فيها انه لب الملفوف نوعا ما ممكن يروح على الفاضي والعروق العريضة لانه صعب استعملهم باكلات بعدين الا اذا حبيتو سلطة العروق القاسية بالملفوف (بتلاقوا الوصفة على هاد الرابط) وممكن تعملوا شوربة زي اللي رح اشارككم وصفتها اليوم. بس الواقع انه اذا الملفوف بتفكفك وهو ني ممكن الاستفادة من كل هاي الاجزاء بالسلطات والاكل الصيني والسبرينغ رولز (لان بصراحة استخدام الملفوف المسلوق فيها بيخليه يهلط بالمعنى العامي او يصير مطبوخ زيادة.

المهم اللي حابب يشوف فيديو سلق الملفوف بيقدر يروح على الرابط التالي

اما فيديو اليوم ففيه رح اشارككم التبولة البيضاء وشوربة حشوة الملفوف ومحشي الملفوف على الطريقة المصرية وطريقة لاستخدام الملفوف سواء بالشوربة او بالنودلز الصيني واللي وصفتها بتلاقوها بالرابط التالي

بفيديو اليوم عملت التبولة البيضاء واللي سبق عملتها على قناة رؤيا بس حبيت اعملها على قناتي هون والرابط للوصفة بتفاصيلها بتلاقوه هون

اما وصفة حشوة شوربة الملفوف فالطريقة سهلة جدا وممتازة لاستخدام بواقي حشوة الرز للمحشي الملفوف على طريقتنا

شوربة حشوة الملفوف

المقادير:

ملعقة طعام زيت

1/2 بصة مفرومة

جزرتين وسط مقطعين مكهبات

كوب ملفوف مقطع شرائح

حوالي 1/2 - 3/4 كوب حشوة ملفوف

ملح وفلفل اسود

1/2 ملعقة صغيرة بهارات مشكلة

ملقة طعام سكر

2 ملعقة طعام رب بندورة

ماء او مرق (ابدئي ب 4 اكواب واذا كانت سميكة يمكن اضافة المزيد من الماء)

الطريقة:

نضع الزيت في قدر على النار ونذبل البصلة

نضيف الجزر ونقلب ليذبل قليلا ثم الملفوف

نضيف الحشوة والبهارات والملح والفلفل الاسود والسكر ورب البندورة

نضيف الماء الساخن او المرق

نحركها لنضمن عدم التصاق اي شيء بالقعر وعندما تغلي تخفض الحرارة وتغطى 3/4 تغطية لتنضج ونضبط الماء والملح

اما وصفة محشي الكرنب او الملفوف على الطريقة المصرية واللي بيتميز باستخدام الاعشاب وما فيه لحمة

محشي الملفوف على الطريقة المصرية

المقادير:

ملفوف متوسطة مسلوقة ومحضرة للحشي (يمكن الرجوع الى الرابط التالي للتفاصيل)

للحشوة:

لصوص البندورة:

ملعقة طعام زيت

ملعقة طعام سمنة

بصلتين مفروم ناعم

ملعقة طعام رب بندورة

3 سن ثوم مفروم ناعم

3 حبات بندورة كبيرة مفرومة ناعم

ملعقة صغيرة من كل من : الكمون ، الكزبرة الناشفة، الملح

فلفل اسود

لبقية الحشوة:

2 كوب ارز مصري منقوع ومصفى

ضمة كزبرة مفرومة ناعم

ضمة شبت مفروم ناعم

بصلة مفرومة ناعم

ملعقة صغيرة كمون وكزبرة ناشفة وملح ورشة فلفل اسود

مرق او ماء مع ملح للطبخ

ليمون عصير

لقاع القدر:

عدة اعواد كزبرة خضراء وشبت

قطع ملفوف قاسية

الطريقة:

في قدر على النار نضع الزيت والسمنة ونقلب البصل ليذبل ويضاف الثوم ورب البندورة وتقلب دقيقة ثم البندورة والبهارات وتترك لتتسبك جيدا على نار معتدلة حوالي 25 دقيقة لتذبل البندورة وتختلط النكهات وتترك لتبرد

تخلط بقية مكونات الحشوة وتضاف البندورة الباردة

تحشى مثل الفيديو وتصف في القدر المفروش بقطع الملفوف القاسية واعواد الشبت والكزبرة

توضع على نار عالية وتتقل بصحن كبير يغطي الملفوف ويضاف الماء الساخن او المرق وعندما يغلي حوالي 10 دقائق نخفض الحرارة ونغطيه ةنتركه لينضج ساعة (انا احب فترة طرويلة في الطبخ ليكون ناضج تماما)

نضع عصير الليمون ونقلبه والف صحة