اكلاتنا باسبوع وصلصة المانجا المنعشة

 من الاشياء المهمة اللي لازم اعملها كل اسبوع هو نظرة سريعة على الاغراض اللي عندي بالثلاجة لانقاذ اي شيء ممكن بده استهلاك فورا واستخدامه الاسبوع المقبل او تفريزه. طبعا هاد الحكي ما بيصير لما اكون مخططة منيو الاسبوع بس الصراحة وبسبب الظروف الاخيرة اموري التنظيمية تدهورت قليلا بس الحمد لله على كل شيء واتمنى ان تعود اموري الى مجراها قريبا الى حد ما

البوست اليوم خفيف لطيف بورجيكم شو لقيت بالثلاجة وشو عملت فيه اشياء تحضيرية لوجبات واطباق قادمة وعملت سلطة او صلصة بتشهي من برضه اشياء عندي اياها وبدي امشيها

صلصة/سلطة  الافوكادو والمانجا

المقادير:

بصلة حمراء صغيرة

حبتين افوكادو

حبة مانجا

حبة فليفلة حمراء

1/2 ضمة كزبرة صغيرة

عصير ليمونتين (حسب الرغبة)

1/4 كوب زيت زيتون

ملح

اضافات ممكنة:

خس

خيار

الطريقة:

تقطع كل الخضار وتخلط 

يضاف عصير الليمون والكزبرة والملح وزيت الزيتون

تقدم الى جانب الدجاج او الستيك او السمك او التاكو