Mulukhia; How to Freeze, Dry and Cook

الي مصورة مجموعة فيديوهات فترة من الوقت والحقيقة ما في وقت لاعمل الهم مونتاج ... الحياة ركض ركض صايرة هالايام وهاد ما في مغتربين ولا عزايم ولامسؤوليات اجتماعية زي اول بس صدقا بشعر حالي بصحى زي الساعة على ال 6 وبضل زي المكوك لل 12 بالليل.... باخد طبعا بعض فترات الاسنراحة بس خلالهم بكون يا بشتغل على الانستجرام ...يا قاعدة برتب امور البزنس...الخ 

الحمد لله انه الواحد مشغول بحاله احسن من اللي فاضي ومخه بيودي وبيجيب...

المهم فيديو اليوم عن اكلة بيحيوها الكل ...الكبار والصغار...انا شخصيا ما بحبها ناعمة كتير لاني بحسها مثل الشوربة... ما تقوموا علي بس بحبها ورق.... عرفتوها اكيد....الملوخية

الفيديو اليوم بيسلط الضوء على طريقة تفريز الملوخية الورق والناعمة وطريقة التجفيف (واللي رح اعمل الها فيديو خاص بطبختين فيها) بس بهاد الفيديو عملتها ناعمة وورق بدجاج وبلحمة والكم حرية الاختيار... ان شاء الله بالمستقبل بصور صور احسن من هدول وبحطهم لانه مع السرعة ما صحللي...كمان بحب اعمل الملوخية على الطريقة المصرية بتختلف شوي عنا وعلى الطريقة اللبنانية بالورق بتختلف كمان عن الطريقة اللي عملتها واللي هي اقرب للسورية

بتمنى الفيديو يعجبكم وتستفيدو منو واستنوني بفيديو تاني قريب رح اعمل فيه اكلات بمكون واحد رئيسي...وفيديو ثالث عن طرق حفظ الخضار

بالملوخية في قواعد مهمة لازم ننتبه الها وهي:

1- الملوخية ما بتتغطى لتضل خضراء

2- الملوخية بتحب الدسم (الزيت او السمنة سواء بالقدحة للناعمة او بالتقليب للورق)

3- الملوخية فيها بطبيعتها مطة (هاد ببين بشكل واضح بالناعمة) وطريقة ازالة الرغوة او المطة البيضاء بتكون بالشكل اللي رح تشوفوه بالفيديو

4- الملوخية الناعمة ما بتنغلى كتير لتضل خضراء

طريقة الغسل:

بنعبي وعاء كبير بماء بارد وبنزل كميات بسيطة من الورق وبنحركهم بمنيح بالمي لتنزل الانربة وبنرفع الورق رفع عشان كل الاتربة تترسب بالقاع وبنعيد العملية 3 مرات لنتأكد انه المي نظيفة (للاسف ما غطيت هاي الفقرة بالفيديو)

طريقة التنشيف:

قبل ما نحفظ او نطبخ الملوخية لازم نشفها من المي اللي علقت فيها من الغسيل ...زمان كانوا ينشروها على سطح فيه عليه شرشف...هلا مع التطور اله تنشيف الخضار بتعمل الوظيفة...امي عندها كيس مخدة ابيض مخصصهاه لتعصير الملوخية...بتحط الملوخية فيه وبتحطها بعصارة الغسالة النص اتوماتيك (وطريقة ممتازة للكميات الكبيرة)

طريقة الفرم:

بالعادة بنستخدم الة فرم الملوخية والحقيقة انها بتفري القلب (هههههه) معلش زمان كنت احب وكان عندي وقت بس هلا لا ها غير التوسيخ) وصراحة بتسود شوي...ما بنصح بالة فرم الطعام مع الملوخية الطازجة لانها رح توسخ كتير وتسود برضه...بدكم طريقة روعة...شوفوا الفيديو

طرق الحفظ:

التجفبف

التفريز

والطرق كلها غطيتها بالفيديو

اذا عجبكم هاد النوع من البوستات والفيديوهات خبروني بكومنت وتنسوش تعملوا اشتراك بالقناة والمدونة

الملوخية الورق باللحمة المفرومة

المقادير:

1/2 كيلو ملوخية ورق مغسولة ومنشفة من المي

وقية لحمة مفرومة

ملعقة طعام زيت وملعقة طعام سمنة

6 حبات ثوم مقطع شرائح

1/2 ضمة كزبرة خضراء

ملح 

بودرة مرق الدجاج

ماء

الطريقة:

موجودة كامل بالفيديو

الملوخية الناعمة

المقادير:

1/2 كيلو ملوخية مغسولة ومنشفة من المي ومفرومة (شاهدي الفيديو)

4 قطع دجاج مسلوق بالهارات وورق الغار (انا قليت الدجاج بعد السلق وممكن استخدام لحمة قطع)

مكعب مرق دجاج (وضعته مع سلق الدجاج)

1/2 حبة بندورة كاملة

ملح

2 ملعقة طعام سمنة وملعقة طعام زيت

6 حبات ثوم مهروس

1/2 ضمة كزبرة خضراء

الطريقة:

موجودة كامل بالفيديو