3 Desserts from Vanilla Cake mix

مين فينا ما بحب يرتاح؟ يعني اديش انا بحب الطبخ والنفخ لكن هاد الحكي لا يعني اني مرات ما بلجأ للاشياء الجاهزة لاعمل اشياء لزيزة وسريعة ...وصفات اليوم هي هيك بامتياز للناس المشغولة والناس المبدئة والناس اللي انعجقت واجاها ضيوف فجاة وهيك قصص...رح نعمل 3 حلويات لزيزة وبتناسب القعدات والجمعات العائلية بالجنينة بالصيف ...

بالفيديو رح تشوفوا كيف استخدمت باكيتين كيك مكس فانيلا او اصفر او ابيض وعملت كيكة بالفواكة وبوشار كراميل وكوبلر

الوصفة الاولى لكعكة الفانيلا الفواكة

كعكة الفانيلا بالفواكة بخليط الكيك الجاهز

المقادير:

باكيت كيك مكس

بيض وزيت حسب تعليمات الباكيت

علبة فواكة مجففة وممكن اناناس اذا بدكم (مع الاناناس ضيفوا بشر ليمون و1/2 كوب جوز هند وادعولي) بنصفيها ورح نستخدم العصير اللي طلع منها بدل المي بالوصفة تبع الخليط (اذا طلعت اقل بتزيدو مي (يعني اذا الباكيت بيقول كوب ماء بنحط كوب من السائل )

2 ملعقة صغيرة فانيلا بودرة او باكيتين فانيلا بودرة او ملعقة صغيرة فانيلا سائلة

الطريقة:

يحضر الباكيت عادي بوضغ البيض والزيت والفانيلا وماء الفواكة والفواكة

يسكب بقالب مهون

يخبز على 350 ف او 180 م لينضج

يقلب على سلك معدني

يبرد تماما

يرش بالسكر الناعم

هاي الكيكة طيبة باردة

اما طريقة البوشار بالكراميل

بتلاقوها بالرابط 

ونيجي للوصفة الثالثة الرهيبة لانه ممكن تتحضر وتتفرز بدون خبز وبتسعف باي وقت بدك حلو لزيز وسريع

كوبلر بخليط الكيك

المقادير:

1/2 باكيت كيك مكس

اصبع زبدة مذابة

ملعقة طعام سكر بني

يمكن اضافة 1/4 كوب جوز محمص (اختياري)

2 كوب فواكة (انا استخدمت دراق وبيريز (ممكن فراولة، تفاح، مانجا) + ملعقة كبيرة سكر عادي خاصة اذا الفواكة مو حلوة ومع التفاح يفضل استخدام الحشوة محضرة (بتلاقوا وصفتها بالرابط)

ملعقة صغيرة فانيلا

ملعقة طعام زبدة لدهن القوالب

الطريقة:

تخلط مكونات الكيك مع الزبدة والسكر لتكون مثل الفتات وتضاف المكسرات في حال استخدامها

تدهن صحون الفرن بالزبدة

تخلط الفواكة بالسكر والفانيلا

توزع الفواكة ويوزع الخليط الجاف على الوجة

تخبز على 350 ف او 180 م حوالي 25دقيقة لتغلي الجوانب ويحمر الوجة

تقدم مع البوظة