Homemade Vegetable Stock Powder

بوست اليوم خفيف لطيف رح اترككم فيه للفيديو والوصفة تحت بتفاصيلها

كيف نعمل بودرة مرق الخضار بالبيت واللي مش بس سهلة وصحية وكمان ممكن تتحكمي بالنكهة زي ما بدك باضافة الاعشاب او البهارات واللي اكيد رح تحدد الطعم النهائي للمرق لهيكانا بعملها بسيطة وممكن اتحكم بعدين باضافة النكهات

بودرة الخضار

المقادير الاساسية:

3 اصابع كرفس (انا عندي مجمد استخدمته)

بصلة كبيرة

5 حبات ثوم مقشر

1/4 ضمة كزبرة

1/2 ضمة بقدونس

جزرة كبيرة مقشرة

عود روز ماري

ملح خشن او هملايا (يفضل مش ملح المائدة اللي فيه يود)

اقتراحات: وممكن زعتر وممكن كاري (اي نكهة بتحبوها)

الطريقة:

تطحن الخضار بمحضرة الطعام

نقوم بوزنها ونضع 20% من وزنها ملح (استخدمت ملح الهملايا وبالنسبة الي الخشن افضل لانه اقل ملوحة بس ما كان عندي)

نضعها على الغاز على نار منخفضة لتخرج مائها تماما وتجف

نفردها على صينية مبطنة بورق خبز

على حرارة 140 مئوي مع التقليب لتجف تماما

نتركها لتبرد

تطحن ناعم ويحتفظ بها بوعاء محكم الاغلاق

طريقة التحضير:

كل ملعقة صغيرة ممتلئة مع 3/4 لتر ماء ساخن

تستخدم لاصافة النكهة للشوربات والمرق والصوص مع مراعاة موضوع الملوحة