Homemade Sujuk

رح ابلش سلسلة جديدة من افيديوهات على اليوتيوب اسمها اصنعي بالبيت مع منال والعدف منها

1-      توفير الفلوس لانه بالتاكيد انه احنا بندفع حق اشياء كتير غير الاكل نفسه

2-      جودة المنتج لانه احنا عارفين شو حاطسن فيو

3-      الاستغناء عن المصنعات والمواد الحافظة

4-      السعادة اللي ممكن نشعرها لما نعمل اشي بالبيت ويطلع مثل الجاهز

كل هدول الاسباب بالاضافة للسبب المؤقت اللي مرينا فيه وهو الحجر الصحي واللي خلانا كلنا تفكر كيف ممكن نلاقي ونعمل البدائل بالبيت

فيديو اليوم عملت فيه السجق بنكهة شرقية (سجق حلبي)

تابعوا الفيديو  وتليه الوصفة

السجق الحلبي

المقادير:

كيلو لحم بيف مفروم ناعم (انا اخترت نوع قليل الدهن)

5 اسنان ثوم كبيرة مهروس

2 ملعقة صغيرة ملح

بهارات: (استخدمت ملعقة معيارية ممتلئة) وكل البهارات ادناه مطحونة

ملعقة صغيرة قرفة

ملعقة صغيرة هيل

ملعقة صغيرة كبش قرنفل

3 ملاعق صغيرة كمون

2 ملعقة صغيرة بابريكا

4 ملاعق صغيرة كزبرة ناشفة

ملعقة ونصف بهار سادة

فلفل شطة مطحون اختياري حسب الرغبة (انا ما حطيت)

الطريقة:

تخلط كل المكونات بمحضرة الطعام وتطحن ناعم جدا لتصبح مثل المعحون

تشكل اسطوانات وتلف بورق نايلون او زبدة

تفرز وتستخدم باي وصفة فيها سجق

انا قليته مع بيض وكمان حطيته بالبيتزا بعد ما قكطعته وقليته وحطيت صوص بيتزا على العجينة والسجق والجبنة وشرائح رفيعة من البصل والفلفل وخبزتها بتشهي

القيمة الاقتصادية

الكمية عملتلي 5 اصابق سجق ب 5 دنانير واقل من نصف الدينار يعني قيمة ال 100 غم ب 53 قرش بينما ممكن تشتري السجق من برة ومليان دهون وحار بحوالي 2.7 لل 350 غم  يعني ال 100 غم ب 77 قرش  يعني قيمة التوفير الاجمالية للكيلو هي 2 دينار و 40 قرش ...غير موضوع انع كتير منها بيختفي لانها مليانة دهون وحارة فلكي الخيار J