Fried Chicken

بالفيديو السابق عن الدجاج المقلي حكيت عن كتير تكات وامور مهمة ليطلع معكم ناجح وقريب للدجاج تبع المطاعم وقلت كمان اني رح احاول جهدي اوصل للطعم المطلوب...اللي حابين يشوفوا الفيديو الاول للدجاج المقلي بعظمة

اما الفيديو تبع اليوم فقررت اخد الطريق الاسهل واعمل الوصفة نفسها مع تعديل بسيط جدا جدا بصوص النقع بالنسبة الي عمل فرق كبير وهو اضافة ربع كوب من ماء المخلل للنقع (انا استعملت المخلل الجاهز بالشبت) والحلو بالصدور انه ممكن تعملوها تندرز وممكن نجتس. طريقتنا اليوم روعة بالساندويشات كمان

لوصفة الدجاج بالعظم او الصدور

الدجاج المقلي

المقادير:

2 دجاجة وزن كيلو مقطعة 8 قطع او صدور دجاج مدقوقة مثل الفيديو اعلاة

خلطة النقع:3

كوب لبن خاثر او لبن عادي او حليب مخلوط ب 3 ملاعق طعام خل

ملعقة صغيرة بودرة الثوم

ملعقة صغيرة بودرة بصل

ملحفلفل اسود

ملعقة طعام ماجي طبيعي

اضافة 2 : ربع كوب ماء مخلل خيار

تنقع اقل شيء 2 ساعة او ليلة كاملة

خلطة التغليف

كوب طحين2-3

ملعقة طعام نشا2

ملعقة صغيرة بودرة الثوم

ملعقة صغيرة بودرة بصل

نصف ملعقة صغيرة كركم

ملعقة طعام ماجي طبيعي

ملعقة صغيرة بابريكا

ملح فلفل اسود

الطريقة:

اتبعي الخطوات بالفيديو للتغليف والقلي

وبالمناسبة نسيت بالبوست السابق احطلكم اللينك المباشر لجدول التخطيط للوجبات وبتلاقوه بهاد الرابط

اما الوجبات اللي صرت عاملتها واليوم بداية اسبوع 2 من شهر 6 فهي

- شاكرية وارز

- بواقي

- ورق دوالي ولبن

- صدور الدجاج وبطاطا وكولسلو

- بيتزا ومنها كان بيتزا بالسجق بتشهي

- بواقي

- سبانخ وارز

هاي كانت وجبات الاسبوع الماضي واللي منها اله وصفة بالمدونة عملته رابط ممكن تضغطوا على الاسم وترجعوله

بالبوست القادم بحطلكم وجبات اسبوع 2