Vlog 2 of cooking from pantry challange May 2020 and Four recipes

بوست اليوم رح يكون زخم كتير بالوصفات والتكات لانه توثيق للاسيوع الثاني من تحدي الطبخ من المونة وهاد الاسبوع كان حافل بالاكلات اللذيذة والنعم الحمد لله والشكر واللي بحاول اقولكم اياه انه يمكن انتي عندك لحمة او دجاج وانا عندي بس طريقة التفكير بالتحضيرات هي اللي ممكن تختلف وهاد اللي بحاول اوصله بهاد النوع من التحديات...اذا بدي احكي عن مثال فمثلا زي ما تابعتوا بالفيديو الاول اللي غطى الاسبوع الاول من شهر 5 اشتريت خبز شراك لفتين لانه ببالي اكثر من طبق...اللفة فيها 5 ارغفة كبار وانا بهاد الفيديو استعملت 4 من لفة واحدة (2 لساندويشات الشيش طاووق (وسفة الشيش طاووق والثومية بهاد الرابط و2 لاعمل رولات جبنة حلوم ببستو النعنع وصفتهم بهاد البوست) وضل 1 رجعته على الفريزر ليكون تحت المنسف باذن الله لغداء اول يوم العيد...هاد مثال عن اهمية التخطيط للوجبات للاستفادة الى ابعد حد من الاشياء اللي عندك بدون هدر وباكبر قدر من الابداع والتفكير برة الصندوق

وجبات هاد الاسبوع موثقة بهاد الفيديو وبهالبوست رح اشارككم بعض الوصفات اللي عملتها بهاد الفيديو

بتمنى تكونوا استفدتوا من الافكار الكثيرة اللي كانت بهاد الفيديو زي رز الزهرة وطريقة عمل سمسبوسك الجبنة رول مع الزعتر وغيره

 اما وصفات هاد البوست فهي

بستو النعنع
المقادير:

ضمة نعنع مغسولة ومنشفة

1/3 كوب لوز محمص

2 ملعقة طعام عصير ليمون

حبة ثوم

1/2 - 3/4 كوب زيت زيتون

الطريقة:

تخلط كل المواد بالخلاط ما عدا الزيت ننزله بالتدريج للوصول لقوام متماسك للبستو

يوضع بمرتبان زجاجي ويغطى بالزيت

روعة مع اللبنة ومع الجبنة وانا استخدمتها لعمل رولات الجبنة الحلوم

رولات الجبنة والبستو

انا استخدمت خبز الشراك وقسمته مثلثات وحدهنت كل مثلث شوي بستو وقطعة جبنة حلوم وممكن نابلسية ولفيته ورتبتهم بصينية ورشيت شوية زيت وحمصتهم بالفرن وقدموهم مع كمان بستو كتغميس

اما الطبق الثاني اللي رح اشارككم فيه بهاد البوست فهو الشوربة البيضاء (الحقيقة انها بدون ذرة بس انا حبيت اضيف علبة ذرة)

الشوربة البيضاء بالذرة

المقادير:

ملعقتين زيت

بصلة صغيرة مفرومة

2 سن ثوم مهروس

2 كوب حليب مخلوط معهم 3 ملاعق طعام طحينملعقة صغيرة ممتئة شبت منشف وممكن استخدام الطازج

½ كوب مرق دجاج

صدر دجاج مسلوق مفسخ ربع كوب شعيرية

حليب (للاضافة اذا كانت سميكة)

ملح وفلفل اسود

علبة ذرة (اختياري)

الطريقة:

تقلب البصلة بالزيت لتذبل

يضاف الثوم وتقلب دقيقة

نضيف الحليب مع الدقيق وتحرك لتسمك

نضيف الملح والفلفل الاسةد والشيت ومرق الدجاج وعندما تغلي نضيف الشعيرية ونحرك ونضيف الذرة والدجاج

تترك لتتسبك وتنضج حوالي 7 دقائق  ونضبط السماكة حسب الرغبة والملح والفلفل الاسود

الكريم كراميل الغني

المقادير:

3 باكيتات كريم كراميل

3 كاسات حليب

علبة قشطة

الطريقة:

حضرت الكريم كراميل بتسخين الحليب على الغاز وحطيت السكر بالقالب

بس قرب يغلي ضفت  الباكيتات وعلبة قشطة وحركت بسرعة ولغلي سكبته بالقالب

يترك ليبرد بحرارة الغرفة

يبرد بالثلاجة ويقلب