Flour Ma'amool

قرب العيد والعيد هاد رح يكون اغرب عيد مرق علي بحياتي...يعني جربت العيد بالغربة واللي ما بتحسي فيه الا اذا بتروحي على صلاة العيد وبتعيدي على الناس وطبعا عيد الفطر كنت احس فيه باعتبار انه بنفطر بس العيد الكبير للاسف لا...العيد هاد وبالرغم من الحجر والحظر اتمنى انه نتعلم نقدر قيمة عائلاتنا واصدقائنا...انا شخصيا وعلى الاغلب رح نمشي ونروح نعيد على والدي ووالدتي...منه رياضة ومشوار لهارون ومنه اكيد بنعيد عليهم...

رح ابدأ معكم سلسة لحلويات العيد من 3 اجزاء وهاد اول جزء منها

انا شخصيا بحب معمول الطحين اكتر من السميد والسنة قررت اني اشارككم وصفة لمعمول مثل المعمول الجاهز المبكت كل حبة بحبتها...بيشهي...

لمشاهدة الفيديو

في وصفة موجود على المدونة لمعمول الطحين وهي الرابط وبتفرق عن هاي الوصفة انه ما فيها بيض وبتستخدم الجبنة الكريمية

معمول الطحين مثل الجاهز

المقادير:

¾ 2 كوب طحين

4 ملاعق طعام حليب بودرة

ملعقة صغيرةبيكنج باودر

اقل من نصف ملعقة صغيرة بقليل محلب مطحون

ملعقة صغيرة ممسوحة كلفة الكعك (يمكن الاستغناء عنها وهي عبارة عن شومر ويانسون)

200 غم زبدة بحرارة الغرفة

نص كوب سكر بودرة

بيضة

ملعقة صغيرة فانيلا

ربع كوب زيت

لحشوة التمر:

كبلو معجون تمر

ملعقة كبيرة زبدة

ملعقة صغيرة ممتلئة قرفة او هيل

لحشوة الفستق الحلبي:

كوب فستق حلبي مجروش

ملعقة طعام او اكثر قليلا قطر سميك او عسل

ملعقة صغيرة ماء زهر

حشوات اخرى:

راحة

شوكولاتة بيضاء او حليب او داكنة

جوز هند معجون بصوص الكراميل مع الجوز او البيكان المحمص

يمكن تلوين العجينة اذا اردت

الطريقة:

تخفق الزبدة والسكر لتصبح كريمية

يضاف البيض والزيت والفانيلا

تخلط المواد الجافة

تضاف المواد الجافة للخليط

لا تعجن كثيرا ونحرص على ان نوقف العجن بمجرد اختلاطها (اذا كانت دبقة يضاف القليل من الطحين واذا كانت ناشفة يمكن اضافة القليل من الزيت او الحليب السائل

نحشيها كما في الفيديو ويمكن استخدام اي قالب تحبين

يحمى الفرن على اعلى درجة حرارة

تحبز من 8-12 دقيقة لتصبح ذهبي خفيف