Eish Al Saraya and how I did in 1st week of cooking from pantry challenge

بشهر 5 قررت اني اخوض تحدي الطبخ من المونة؟ شو يعني؟ بعني اني بدي استغل الاشياء الموجودة عندي بالثلاجة والفريزر وخزانة المزنة بقدر المستطاع لاعمل وجبات لذيذة ومنوعة خاصة انه رمضان للعيلة... طبعا قد يعتقد البعض انه بلاش برمضان!!! يعني في اله تفاصيل معينة خاصة بنحب ان نصرف ونتمصرف فيها... بس فعليا شهر رمضان هو الانسب لهيك تحدي خاصة اذا كنتي شخص متبعة طريقتي ببناء المونة واللي موجودة ب 3 مقالات تحت تحت تنظيم من الرابط التالي

ولانه رمضان بيركز بالذات على وجبة واحدة وهي الفطر فبالتالي كتير اسهل انك تعملي وجبة او 2 من اللي عندك من 3 وجبات يومية مثل الايام العادية

وثالثا وفعليا لانه احنا بايام الحجر كتير منا اشترى اغراض قبل رمضان ومهم نفكر كيف نستفيد منها بدل ما تخرب...

ادائي بتحدي الاسبوع الاول بتلاقوه بالفيديو التالي على اليوتيوب

من ضمن الاطباق اللي عملتها بهاد التحدي هو طبق عيش السرايا اللزيز وصراحة لا اخفيكم علما باني جربت عشرات الطرق ومبادئها واحدة

توست محمص مسقسق بقدر وعليه قشطة ومكسرات

بس طريقتي اليوم الصراحة تتميز بكتير اشياء:

1-       اسهل من السهولة

2-      ما بدها توست كتير

3-      ما بتحتاجي تقيمي حواف التوست زي اغلب الطرق ما بتطلب

4-      بتطلع كل قطعة بقطعتها

5-      بستغلي اشياء عندك ممكن مو عارفة شو تعملي فيها (رح اشرح زي شو بالوصفة)

عيش السرايا الرائع والسريع

المقادير:

خبز توست (انا استخدمت 5 قطع لصحن مربع 20*20 سم)

2 ملعقة طعام زبدة مذابة

للقطر:

كوب سكر

¾ كوب ماء

3 باكيتات سكر الكريم كراميل (انتو عارفسن انه في كتير حلويات بتعتمد على استخدام البودرة بس وبيصفي السكر غير مستخدم...خبوه لمثل هاي الوصفة)

للمهلبية (القشطة)

كوب كريما

كوب حليب ( بناخد ¼ كوب منه على جنب نذوب فيه النشا)

1/3 كوب سكر (ممكن تقللوا او تزيدو)

1/3 كوب نشا

ملعقة طعام ماء زهر

للوجة:

علبة قشطة

فستق حلبي

ورد مجفف (اختياري)

كنافة محمصة (كانت باقية عندي فاستعملتها بالتزيين بس هي اختياري تماما)

الطريقة:

ترتب قطع التوست مثل ما هي بقالب البايركس

تسكب وتوزع عليها الزبدة المذابة

تحمص بالفرن لتصبح ذهبية من الجهتين

نحضر القطر بخلط السكر والماء وعندما يغلي نحرك للتأكد من ذوبان السكر

نضيف السكر المحروق وتسكب فوق قطع الخبز ونتركها لتتشرب

نحضر المهلبية او القشطة بتسخين الكريما و3/4 كوب الحليب والسكر

نذيب النشا ببقية الحليب وعندما يغلي الخليط نضيف محلول النشا والحليب

نحرك بسرعة وسيجمد سريعا نضيف ماء الزهر وترفع

تسكب فوق الخبز ويسوى السطح

تترك لتبرد بحرارة الغرفة ثم تبرد عدة ساعات بالثلاجة

تفرد القشطة على الوجة وتزين حسب الرغبة ببقية المكونات