Pomegranate Ice Tea & Tuna Bruschetta

ذكرت اكتر من مرة اني مش من الناس اللي بيتسحروا والصراحة اشي غلط بس انا فعليا بصحى بشرب نسكافية وحبتين بنادول خاصة اول ايام الصيام وممكن اكل لبن بالفواكة ولا البلاش...بس موضوع اني اصحى واقعد اكل مو وارد عندي ابدا وفعليا كل عيلتي هيك فمريحينب من هالناحية

بس ما بيجي اخر رمضان الا واحنا نازل وزننا (اشي منيح ما عم بشكي ابدا)

المهم اليوم رح اشارككم وصفة بتشهي ممكن تعملوها وتحطوها بالثلاجة ووقت السحور بتخبزوها بتطلع بتشهي خاصة لمحبي التونا...وصفة اليوم هي بروساكتا التونا وطبعا ممكن تعملوها ساندويشة بالتوست وتحمصوها بالة التحميص

بروسكاتا التونا

المقادير:

خبز فرنسي شرائح

سن ثوم

للحشوة

علبتين تونا بالزيت مصفيين

بصلة صغيرة مبشورة

3 ملاعق طعام مايونيز

حبة مخلل مفرومة ناعم

ملح وفلفل اسود

ملعقة طعام بقدونس مفروم

للوجة

جبنة موزريلا

الطريقة:

يحمص الخبز قليلا ويفرك بسن الثوم بخفة بعد خروجه من الفرن

تخلط مكونات الحشوة ونضع منها على الخبز

نضع الجبنة فوقها وندخلها الفرن على 350 لتسيح الجبنة (حوالي 10-12 دقيقة)

بتشهي قليل عليها

روعة كمان بالجمعات والعشا

واذا متذكرين بفيديو سابق (فيديو رمضان 2020) 

عملت ايس تي رمان وكركديه....روعة...حبيت استغل شاي رمان عندي وباكيت كركديه اجى هدية مع باكج قرفة (بتعرفوني بعز القرفة) المهم اني قررت اسخن 4 اكواب ماء واحط الباكيتات الاربعة بالمي وتركتهم 3 ساعات وصفيتهم 

بتقدروا تحلوه وهو سخن زي ما بدكم مشان يذوب السكر

بعدين زدت على القدار كوب عصير رمان وماء وثلج...

بياااااخد العقل وسهل وصحي ولزيز