Roasted Beets and Turnip Soup

ببوست اليوم رح اشارككم وصفة هاي الشوربة

بس قبل رح اخدكم معي بيوم من حياتي وبعرف انكم بتحبوا هاد النوع من الفلوغز فخلينا نشوف بيوم شو عملت وروعة الجورنال اللي عم بستعمله حاليا في اني انجز المهمات اللي علي وبشكل ممتاز

وقبل ما ابدا بالوصفة بدب اقولكم اذا حبيتوا تطبقوا معي تحدي التعزيل والتخلص من الاشياء اللي فائضة عن الحاجة او اللي موزعة بشكل عشوائي ونتخلص من الكركيب جدول التعزيل بتلاقوه بهاد الرابط

طبعا هاي صورة بس اذا بدكم تنزلوها وتطبعوها روحوا على اللينك

ونرجع لوصفة اليوم لشوربة قد تبدو غريبة بس ما بقدر اوصفلكم اديه طيبة

شوربة الشمندر واللفت المشوي

المقادير:

4 حبات شمندر وسط تقشر وتقطع مكعبات

2 حبة لفت كبيرة تقشر وتقطع مكعبات

جزرة كبيرة مقشرة ومقطعة

بصلة كبيرة مقشرة ومقطعة

2 ملعقة طعام زيت زيتون

ملح

فلفل اسود

مرق دجاج حسب الحاجة 

ربع كوب شبت طازج

1/2 كوب كريما طبخ

الطريقة:

تخلط الخضار مع الزيت والملح والفلفل الاسود وتشوى على 180 من 25-30 دقيقة لتنضج

توضع بقدر على النار ويصب فوقها حوالي 2 كوب مرق دجاج وتغلى 

تطحن ناعم ونضيف المزيد من المرق اذا لزم 

نضيف الشبت المفروم مع ابقاء القليل للتقديم

نضيف الكريما ويضبط الملح

تقدم مزينة بالشبت