Zatar Chicken wings

طيب واخيرا عملت الجزء الثاني من المطبخ بتمنى يعجبكم وبحب كتير اسمع اراءكم...المطبخ لسة مو خالص تماما زي ما بدي  بس المهم اني اذا بدي استنى رح تشوفوا الجزء الثاني على السنة الجديدة ...هههههه بس اعمل اي تغييرات جديدة اكيد رح اشارككم فيها

زي ما قلتلكم بتمنى اسمع اراءكم

وعملت السحب الاوتوماتيكي على المشتركين والفائزة بجائزة هاد الشهر هي ]دينا عودة...مبروك ورح اتواصل معك..

امبارح كان الانقلاب الخريفي وكمان اليوم العالمي للزعتر.... مناسبة حلوة انه نحتفل بمكون يميز منطقتنا وتراثنا بالاكل... طبعا انتو بتعرفوا اديش انا بستعمل الزعتر بالاكل وفي كتير وصفات على المدونة بالزعتر...

وصفة اليوم للدجاج المشوي بالزعتر رح تحبوها كتير ولاني بحب اجنحة الدجاج فعملتها باجنحة الدجاج

أجنحة الدجاج المشوية بالزعتر

المقادير:

½ 1 كيلو من أجنحة الدجاج (حوالي 20 جناح)

لخليط النقع:

¼ كوب من زيت الزيتون النوع الجيد (البكر)

عصير ليمونتان

4 ملاعق طعام من خليط الزعتر بالسمسم (زعتر محوج)

2 حبة ثوم مهروس

ملعقة صغيرة ملح

½ ملعقة صغيرة فلفل اسود

½ ملعقة صغيرة سماق

للتزيين: فليفلة حمراء مفرومة ناعم وبقدونس مفروم

الطريقة:

تخلط كل مكونات خليط النقع وتنقع بها أجنحة الدجاج مدة ساعة

ترتب الأجنحة على سلك معدني بصينية وتدخل إلى فرن حامي على حرارة 180 درجة مئوية/ 350 فهرنهايت

تخبز مدة تتراوح بين 35-40 دقيقة لتنضج وتحمر وتتقرمش الجهة الخارجية منها

تقدم مزينة بالفليفلة الحمراء المقطعة وأوراق البقدونس