Eid cookies :)

البوست هاد متأخر جدا بس رح تعرفوا ليش يمكن بالبوست الجاي...

مبدئيا البيت عندي مهيص اذا جاز التعبير...

ولما اقول مهيص مش من السعادة الحقيقة... الواقع من الفوضى لانه عندي اكتر من ورشة بنفس الوقت غير عطلة العيد الطويلة اللي دمرت البيت لانه شغل البيت شبه مستحيل مع وجود الشعب...يعني بنظف الوجة الوجة بس سبحان الله كل ما تنظفي الحمام مثلا بيفوت حد بيتحمم بيصير كأنه ضاربه تورنيدو ....يعني شو الواحد بده يحكي بيعين الله بس مشي الحال وداوم هارون اليوم وياسمين متسهلة هاليومين وسلطان لتطلع الفيزا فبروق شوي وبفضى لانه الاولاد الله يحفظهم عبارة عن بالوعة طلبات ...بيصفي الصيف مسلسل ما يطلبه الجمهور ...ماما بدي...ماما نسيت اشتري...ماما جاي على بالي.... وانتي حاضر ...اوك...هلا تذكرتي ههههه!!!! هيك كله ركض ركض الله يعين ويحفظهم...

المهم حاليا عندي ورشة المطبخ ورح اورجيكم فيديو خاص فيها بس يخلص باذن الله...رح ياخد اسبوع وشوي لاني بدي اركب لمبات جداد كمان جبتهم من جولي شيك واحط اكسسوارات على بال ما يوصلوا وكله رح تشوفوه باذن الله

فعليا بجعبتي الكثير الكثير بس الوقت مش مساعد لته الفيديوهات بتاخد شوية وقت بالمونتاج فالله بيعين

طبعا فيديو اليوم متأخر جدا بس حبيت اشارككم شو عمات اشياء بسيطة بالعيد مما يوجد عندي بالبيت 

بسكوت كورن فليكس المارس (الوصفة من نايجلا لوسون بس خففت الزبدة شوي)

المقادير:

1/2 2 كوب كورن فليكس يفضل الحلو

4 اصابع مارس كبير (ممكن تستخدمو سنكرز لطعم تاني)

1/3 كوب زبدة

الطريقة:

تذاب الزبدة والمارس معا على نار هادئة

يضاف الكورن فليكس وممكن رايس كريسبيز

تكور او توضع بالميني مفن وتبرد وتقدم

وصفة معكرون جوز الهند واللوز بتلاقوها هون ولا اسهل وممكن الاستغناء عن اللوز وحطوا بداله جوز هند

وصفة التمر المحشي كتبتها بالفيديو

المعمول موجود بهاد الرابط

وبس والله وهي فيديو بسيط عن اجازة العيد اللي للاسف ما كانت بالزبط مثل ما كنت اتمنى من ناحية انا نروح ونيجي بسبب الشوب اللي تجى وبسبب متغيرات باخر لحظة بس لفينا شوي ولا البلاش... اليوم الرابع رحت عند الاهل فما طلعنا طلعة...