Steak Potato pie

البوست اللي انا متحمسة عليه صرت دايما واللي لسة ما بعتبر حالي زبطته تماما هو بوست الطبخ مرة واحدة للشهر...

طبعا احنا متفقين انه الطبخات اللي بدي اعملهم همه لنهاية 7 وما تضحكوا علي اني صرت حاطة المنيو لشهر 8 من هلا :)

نراجع المنيو سوا وشو نعمل مشطب 

قائمة الوجبات المتبقية من الشهر الماضي:

برغر بشوربة البصل

شاورما لحم ودجاج

اجنحة دجاج

جانبي:

1 بيتزا

سمبوسك

ساندويشات تونا

وجبات رح اعملها باذن الله هاد الشهر لنهاية 7:

ملوخية (لازم كل شهر)

اسباجيتي بالفرن وهاي كمان

صينية دجاج بالخضار وفريكة او اشي تاني جانبي

سلوبي جوز (الوصفة هون)

رز وعدس (الوصفة هون) تعتبر جانبي

فول باللبن

داوود باشا بالطحينة

محشي بطاطا

بازيلا ورز

سبانخ طبيخ (ما كان على المنيو بس لقيته بسعر ممتاز (رح شوفوا الفيديو بكرة)

طبخة سمك (لدورة اسماك)

طبخة بافخاد الدجاج (موجودة عندي من اول بالفريزر)

بريسكت (من دورة طبخ) عندي اللحمة بالفريزر

اطباق يوم الجمعة للفطور:

مفن زعتر اخضر وجبنة (الوصفة هون)

فرنش توست

وافل

ساندويشات فول (رح اعملهم فريش بخبز بيتي) والفول موجود بالمونة

فتة حمص (رح اعمل الحمص بس وعندي خبز مقلي)

اطباق تصلح للفطوراو عشا:

مفن موز (خلصنا نصهم)

معجنات جبنة

ساندويشات سلامي وجبنة

جارلك توست ببقية التوست (جنب المعكرونة)

رح احتاج اخبز:

خبز برغر عدد 12 (اشتريت 6)

خبز صاج للشاورما

خبز عربي بيتي لساندويشات الفول

اشياء بالفريزر لازم امشيها:

ادامامي (بقية كيس)

حلقات بصل (بقية كيس)

جوافة مفرزة

كيس بروكلي (مع الدجاج)

خضار مشكلة للشوربة 

اشياء من البانتري ممكن تساعد :

برغل (بالسلطات)

حمص حب (بالسلطات وللفطور)
عدس

وشو بالنسبة لمخططاتكم باجازة العيد الخرافية اللي رح تكون بالزبط 9 ايام مع الجمعة والسبت (لو في صورة ايموجي بيلطم بعمل هيك :)

جد بدي افكر كتيييرررر منيح شو ممكن نعمل باذن الله بهالاجازة مشان تكون ممتعة ومسلية خاصة لهارون ...لااااازم

السفر مش وارد للاسف بس يمكن نعمل ستيكيشن.... شو يعني؟

Staycation كلمة دخيلة من جماعة اميركا انه بتضلوا بنفس البلد بس بتكونوا باجازة... في ناس بيروحوا على اوتيل بس هاد مش وارد معنا...بدي افكر منيح ان شاء الله وبركي صورتها كلها فيديو وشاركتكم فيه...ان شاء الله تزبط

وصفة اليوم هي لطبخة عملتها الشهر الماضي وطلعت خياااال

فطيرة الستيك بالبطاطا المهروسة

المقادير:

عدة قطع من الستيك مقطعة مكعبات صغيرة (انا استخدمت روز بيف)

بصلة مفرومة ناعم

كيس خضار مشكلة مفرزة (انا استخدمت بازيلا وجزر) 

عدة حبات من الفطر

4 ملاعق طعام زبدة (ممكن نص زيت)

2 ملعقة طعام طحين

مكعب مرق بيف

2 كوب ماء ساخن

ملح، فلفل اسود

ملعقة صغيرة بهارات ايطالية

للبطاطا:

3 حبات بطاطا وسط مسلوقة ومقشرة ومهروسة

ملعقة طعام زبدة

حليب حسب الرغبة بقوام البطاطا

1/2 كوب جبنة شدر او جودا

ملح وفلفل اسود

الطريقة:

نضع الزبدة والزيت بمقلاة ونقلب الستيك ونملح ونبهر (لن ياخذ وقت طويل

نضيف البصل ونقلب ليذبل

نضيف الفطر والخضار ونقلب

نضيف الطحين والبهارات الايطالية ونقلب عدة دقائق

ثم المرق (الماء مع المكعب ونحرك)

عندما تغلي نخفض الحرارة وتترك لتتسبك قليلا ونضبط الملح والفلفل الاسود

تحضر البطاط بهرسها مع الزبدة والحليب للوصةل لقوام بطاطا مهروسة طرية

نضع الستيك في قدر زجاجي للفرن (انا استخدمت اواني فخارية

نضع البطاطا والجبنة

للتفريز: غلفتها جيدا بورق بلاستيك وقصدير

تخبز بالفرن على 180 لتتحمر