ٍSuhoor couldn't be any better

                           

بوست اليوم عن اطباق السحور بامتيااااز.... رح احطلكم عدة وصفات منها السريع ومنها الخفيف ومنها الاثقل على المعدة شوي...بس فعليا كلها سوا لو انعملت بسفرة سحور اذا انتي عازمة ناس بتطلع روعة خاصة اذا عملتي بريزنتيشن حلو

بس قبل ما ابدا بالوصفات خليني اقولكم اني جدا متأسفة اني ما قدرت التزم بجدول التعزيل خاصة مع الضغط بالشغل وحاليا رمضان بس هاد لا يعني باي شكل من الاشكال اني ما عم بعزل بشكل بسيط هون وهناك والصراحة اذا بدي امشي بالجدول بشكل احسن بجوز لازم اخد اجازة اسبوع من الشغل بس المصيبة كل مرة بعمل هيك بيطلعلي قصص الله وكيلكم بتتعطل كل الخطط...الحمد لله بالنهاية واكيد الواحد بيضل يحاول حتى لو تعثرت بعض الامور بيضل يحاول...

خليني اشارككم شو انجزت..

كل شبابيك البيت ما عدا 4 شبابيك وهاد يشمل شبابيك الحمامات

تعزيل غرفة الضيوف والقعدة تماما قبل رمضان وقبل التجهيز للتزيين

لساتني شغالة على ترتيب غرفة المونة

مسح كل ابواب البيت بالاضافة الى لمبات المطبخ

تنظيف فلتر الغاز

زراعة قواوير جديدة للزهور 

تعزيل خزانتي وخزانة هارون وما زال العمل مستمر على ال decluttering

تعزيل بعض اجزاء وخزاين المطبخ و decluttering

وكمان قبل ما ابلش بوصفات السحور بدي اذكركم بانه بالفهرس في كتير اطباق بتنفع للسحور ...فشيكوا الفهرس

اطباق اليوم رح نبدأ فيها بكاسات اللبن والفواكة مع جرانولا سريعة جدا بتعملوها بكم دقيقة

كاسات اللبن بالعسل وجرانولا المشمش

المقادير:
لبن
عسل او مربى فراولة
فواكة من اختيارك (انا اخترت فواكة عنبية)
للتوبينج:
معلقة طعام زبدة
50 غم شوفان
2 ملعقة طعام مكسرات من اختيارك
5-6 حبات مشمش مجفف مقطع
2 ملعقة طعام عسل

الطريقة:
تذاب الزبدة بمقلاة ويحمص الشوفان
تضاف المكسرات وتحمص قليلا
يضاف المشمش المجفف والعسل وترفع وتترك لتبرد
بكاسات نضع الفواكة ثم اللبن ثم العسل او المربى ثم التوبينج

هالكاسات الحلوة لو تتقدم بالسحور رح تلاقي استحسان كبير وبديل عن الحلويات....انا شخصيل بجهزها قبل لانام وبس اصحى بلاقيها جاهزة وممكن تضيفوا بذورالشيا او الكتان للين او جنين القمح لفائدة اعلى

الطبق الثاني هو طبق بينفع للفطور وللسحور وعملته قبل على سناب تشات وهو الفول المدخن بالطحينة...اشي كتتتيييييير زاكي وخاصة اذا عملتوا معه هالخلطة بالفليفلة المشهية واللي بتفتح النفس

خلطة الفليفلة اللذيذة
المقادير:
4 حبات فليفلة خضراء كبيرة (ممكن استبدال اجزء او الكل بالفلفل الاخضر الحار)
2 سن ثوم
ملعقة كمون حب محمص
ملعقة كزبرة ناشفة محمصة
ملح
1/3 كوب عصير ليمون
1/4 كوب خل

الطريقة:
تطحن كل المقادير ويوضع زيت على الوجة
تؤكل مباشرة ويحتفظ بها في الثلاجة مع اضافة زيت كل مرة بتستخدميها للوجة

واذا حبيتي تهديها لحد مش غلط ابدا :)

وهالتتبيلة المشهية بدها صحن فول ويا سلام على الفول المدخن بالطحينة

الفول المدخن بالطحينة

المقادير:

علبة فول 

2 ملعقة طعام زيت زيتون

حبة بندورة مفرومة

بصلة صغيرة مفرومة

فلفل حار او القليل من الفليفلة الخضراء مفرومة

معلقة طعام رب بندورة

معلقة طعام طحينة

1/2 كوب ماء

سن ثوم مهروس

ملح، فلفل اسود

عصير ليمون

الطريقة:

نحمي القدر ونسخن الزيت زنذبل البصلة

نضيف الفلفل او الفليفلة ونفلب

تضاف البندورة ورشة ملح وتقلب لتذبل

يضاف معجون البندورة والطحينة

نضيف الفول والماء وتترك لتتسبك حوالي 5 دقائق

تطحن او تفعص لتصبح شبة ناعمة

يضاف الثوم والليمون

نحمي فجمة على التر

نضعها بصحن زجاجي ونضع عليها نقطة زيت ونضعها فوق الفول وستبدأ باخراج الدخان فنكتم الفول بغطاء الطنجرة ليتدخن

تقدم مع الخبز الساخن ورشة بقدونس والكثير من زيت الزيتون

ولاني حبيت اعوض التأخير بوضع الوصفات شو رايكم بوصفة الجبنة الناعمة...

من اسهل انواع الجبنة ومشهورة بالشام كتير بتعمليها وبتقدميها مع خبز ومربى وفواكة مجففة وعنب وفراولة....لزيزة وسهلة تندهن على الخبز

الجبنة الناعمة

المقادير:

وصفة جبنة الريكوتا (تكون مصفاة وما زالت دافئة)

1/4 كوب لبن زبادي

1/4 ملعقة صغيرة محلب

ملح

للتشكيل :

سمسم وحبة البركة

الطريقة:

تخلط كل المكونات

يبطن القالب بورق نايون

نضع السمسم وحبة البركة

نرص الجبنة فوقها ونغلفها وبالثلاجة 

تقلب وتقدم

ملاحظة: ممكن وضع نكهات اخرى مثل الزعتر او الريحان