Ma'moul Mad & Strawberry Pretzel Salad dessert

بما انه عم نحكي على العيد وكعك العيد وحلويات الاعياد...عمركم جربتوا المعمول المد؟ معمول المد من اشهر انواع المعمول بلبنان وبينحشى تمر، فستق، جوز....وكمان قشطة....سهل وسريع وممتاز للي ما عندهم قوالب 

بس قبل خليني اشارككم روابط من المدونة لوصفات العيد ....

كعك بالطحين

كعك الحلق

برازق

وهي فكرة لمعمول التمر غطسته من تحت بالشوكولاتة كنوع من التغيير...

بس قبل وصفة معمول المد رح اشارككم وصفة حلو لزيز وبارد ومرتب واشهر من نار على علم باميركا وكان دايما يكون بكل جمعة بروح عليها خاصة اني عشت بتكساس ولاية الشوب.... وممكن تعملوه بقالب التشيز كيك او صحن بايركس او كاسات...هاد الحلو مشهور باميركا واسمه Strawberry Pretzel Salad وما تسألوني ليش اسمه في سلطة وهو حلو بس اعتقد السبب هو الملوحة اللي بالكرست لانها معمولة من البرتزل.... الصراحة الطعم مش معتاد بين ملوحة وزكاوة للكرست لانها معجونة بالزبدة ومحمصة بالفرن وبين الطعم الكريمي الخفيف والغني بنفس الوقت لطبقة الجبنة والكريما وبين الانتعاش والحلاوة من الجلو والفراولة....توليفة حلوة الصراحة ...جربوها رح تعجبكم اكيد...واللي بيحب يعملها بالبسكوت العادي بدل البريتزل بيصير كمان

قالب البيريتزل بالفراولة

المقادير:

للكرست:

2 كوب بريتزل مطحون

اصبع زبدة 100 غم مذاب

ملعقة طعام سكر بودرة

للطبقة البيضاء:

223 غم جبنة كريمية بحرارة الغرفة

كوب سكر بودرة

كوب كريما خفق

ملعقة صغيرة فانيلا

1/2 1 ملعقة صغيرة جيلاتين

ملعقة طعام ماء

لطبقة الجلو والفراولة:

كمية من الفراولة مقطعة شرائح

2 باكيت جلو فراولة محضر حسب تعليمات الباكيت ومبرد ليصل الى قوام يشبه المايونيز او اقل سماكة

الطريقة:

تخلط مكونات الكرست وترص بقالب التشيز كيك وتخبز على 180 مدة 10 دقائق وتبرد

تخفق الجبنة والسكر بعد نخله

تخفق الكريما والفانيلا ليتضاعف حجمها

نضيف الكريما لخليط الجبنة برفق بالملعقة المطاطية

يذاب الجيلاتين بالماء ثم يسخن لعدة ثواني بالمايكرويف او فوق حمام مائي ليذوب

يضاف للخليط

يسكب فوق الكرست الباردة ويوضع بالثلاجة 1/2 ساعة

تصف  قطع الفراولة على الوجة

يضاف الجلو برفق

تبرد 4-6 ساعات

تقدم والف صحة

ونرجع لوصفة معمول المد بالقشطة....بهاد الشوب ضروري ينحط بالثلاجة اما اذا بتمر او جوز او فستق مو مشكلة اذا ضل برة

معمول المد بالقشطة

المقادير:

 2 كوب سميد ناعم

كوب سميد خشن

2 كوب طحين

1/2 1 كوب سكر بودرة

100 غم سمنة حيواني او زبدة

3/4 كوب زيت

3/4 كوب ماء زهر

ملعقة صغيرة كربونات

1/2 ملعقة صغيرة محلب او ملعقة صغيرة بهارات الكعك

القشطة:

2 كوب حليب

2 كوب كريما

2 ملعقة طعام سميد ناعم

4 ملاعق طعام نشا

6 ملاعق طعام سكر

ملعقة صغيرة ماء زهر

قطر بارد وسميك لتسقية المعمول

الطريقة:

تخلط كل مكونات القشطة بقدر على النار ما عدا ماء الوزهر وتحرك لتغلي وتسمك

يضاف ماء الزهر وتسكب بصحن وتغطى بشكل مباشر بالنايلون لمنع تكون قشرة على الوجة وتبرد تماما

تخلط مكونات المعمول الجافة

يضاف الزيت والسمن او الزبدة المذابة

نضيف بقية المكونات وتعجن للحصول على عجينة طرية ومتماسكة

تفرد 1/2 كمية العجينة بصينية مدهونة

تفرد طبقة القشطة (او التمر المعجون او الجوز المجروش مع القرفة والسكر او الفستق الحلبي المجروش والمخلوط بالقطر السميك)

تفرد بقية العجينة على ورق خبز وتقلب فوق القشطة بحذر ويسوى السطح بخفة

تخبز بفرن حامي على 200 درجة من 25-30 دقيقة لتتحمر

تخرج من الفرن وتسقى بالقليل من القطر (لا نفعل ذلك في حال معمول التمر)

تبرد تماما وتقطع