Warm butter cake with strawberries and creamكعكة الزبدة الدافئة

النسخة العربية من المقال بالاسفل

Well, April is almost over and the spring is yet to arrive here in Amman. It reached 4 c yesterday at night?!!! What!!! In this time of the year and in this part of the world, this is a record!! Anyway, enough complaints about the weather and let me go straight to this lovely and delicious recipe. It is for a butter cake that is best eaten warm with dollop of vanilla ice cream or whipping cream and strawberries.

Warm butter cake with strawberries and cream

Ingredients:

Crust:

1 cup cake flour

3 tablespoons sugar 

1/3 cup butter,room temp

Filling:

 1 1/4 cups sugar

 3/4 cup (1 1/2 sticks) butter, room temp

1 egg

1 Tbsp vanilla 

 1 cup all-purpose flour 

2/3 cup milk

 1/4 cup light corn syrup

For serving:

Strawberries, vanilla ice cream or whipping cream

Directions:

Preheat oven to 175 c or  350 F . 

Mix all crust ingredients together and press in a pie dish.

Beat sugar and butter till nice a fluffy. Add egg and vanilla and beat well. Add milk and flour alternatively then finish by adding corn syrup. Pour over crust and bake for 25-30 minutes till the sides are set but the inside is gooey and jiggles a bit. Let it cool off for an hour or two and serve warm with strawberries, whipping cream or ice cream. 

بين مشاغل الاسبوع والجو اللي مش قابل يدفي...حاسة حالي غرقانة ببحر من التوهان....هههههه يعني مش عارفة اكمل تعزيل ولا عارفة الطقس ربيع ولا شتاء واكيد اكيد الحمد لله على النعمة بس الدفا برضه نعمة يا جماعة!!! المهم...الي زمان ما حكيت عن التعزيل وقد يعود هاد لانه الجدول وبالرغم من انه كان ماشي بامتياز الا انه فشل في بعض الجوانب واهمها الشبابيك!!! بس بشكل عام ما تم انجازه للآن مش سيء بس للاسف ما رح اخلص بشهر 4....قال شو بدي اخلص ب 16 يوم...هيك كانت النية..اللي خلص لهلأ هو:

- غرفة سلطان وهارون كاملة والفراش وكله (بس لازم اعادة الشبابيك)

- حمام الاولاد كامل

- 1/2 خزانة ياسمين بس اللي خلصت :(

- البرندة 

- 1/2 غرفة القعدة

- جزء بسيط من المطبخ

- غرفة البنت اللي بتساعدني وحمامها

- غرفة الغسيل

- شبابيك كل البيت بس رح تنعاد

- كل الممرات

- حمام غرفة الضيوف

- غرفة المونة

- غرفة الضيوف

باقي:

غرفتي والحمام

غرفة ياسمين

شبابيك البيت مرة تانية

واللي بيضحك وبيحزن اني بفكر ما اكمل وارجع ابدا من اول وجديد بس يدفي الجو....اخخخخخخخخخخ

بعد وصفات البهارات الاخيرة بدي اشارككم بوصفة كيكة سهلة ولذيذة وبتتقدم دافية مع البوظة والفراولة او الكريما...هاد الجانب اللي اعلن الصيف اجا عندي...ههههه والصبايا اللي حضروا درس الطبخ يوم الثلاثاء رح يضحكوا لانه برضوا زبدة ههههه انا شخصيا من انصار استخدام الزبدة وزيت الزيتون بالاكل...

كعكة الزبدة الدافئة

المقادير:

للقاعدة:

كوب طحين كيك (الوصفة هون اتعملي طحين الكيك بالبيت)

3 ملاعق طعام سكر

1/3 كوب زبدة بحرارة الغرفة

للحشوة:

1/4 1 كوب سكر

1/2 1 اصبع زبدة بحرارة الغرفة

بيضة

ملعقة طعام فانيلا

كوب طحين

2/3 كوب حليب

1/4 كوب شراب الذرة الحلو (او قطر ثقيل بدون نكهات)

للتقديم:

فراولة وبوظة

الطريقة:

يحمى الفرن الى 175 درجة كئوية

تخلط مكونات القاعدة وترص بصحن الباي

تخفق الزبدة السكر لتصبح خفيفة ثم تضاف البيضة والفانيلا

يضاف الطحين بالتناوب مع الحليب ثم يضاف شراب الذرة (رح يعطيها طراوة كتير من جوة)

تخبز من 25-30 دقيقة ويجب ان تكون الاطراف جامدة مع بقاء الوسط رخو قليلا عند رج الصحن.

تخرج وتبرد حوالي ساعتين وتقدم مع السكر الناعم والفراولة والكريما. 

الكيكة رح تكون جامدة من الجوانبي بس طرية وزي المعجنة من النص بس هون الزكاوة...رح تدعولي بكل قضمة :)