مربعات الارز المنفوش المغطسة بالشوكلاتة و مربعات التمر بالشوفان

حد مصدق انه احنا بعاد عدة ايام بس عن العيد؟!!! وين راح الوقت واستعدادات رمضان؟!!! بتمنى تكونوا قضيتوا وقت منيح ومفيد وان شاء الله ربنا يتقبل من جميعا. اليوم زي ما اتفقنا في وصفتين بسكوت وبتمنى انكم تلحقوا وتعملوا البسكوت قبل العيد بيوم او اذا كنت شجعان متلي بتصحوا بدري وبنفس يوم العيد (عملتها مرة وتعبت بس النتيجة بتكون افضل لانه البسكوت بكون فرش على الآخر وريحة الخبز لا تقدر بثمن!!!)

الاولى الحقيقة ما بدها خبز بس كتيير زاكية وبحبوها الكبار والصغار وهي مربعات الارز المنفوش

مربعات الارز المنفوش المغطسة بالشوكلاتة

المقادير:

6 اكواب ارز منفوش Rice Krispies

1/2 باكيت مارشملو صغير

1/2 اصبع زبدة

ملعقة صغيرة فانيلا

شوكولاتة مذابة لتغطيس اطراف المربعات (اختياري)

الطريقة:

في قدر واسع تذاب الزبدة والمارشملو على نار هادئة حتى يذوب كلاهما ويصبح مثل الكتلة الواحدة الطرية وتضاف الفانيلا

ترفع عن النار ويضاف الارز المنفوش وتحرك بملعقة خشب

تدهن صينية بالزيت لكي نسهل عملية اخراجها

ترص الكمية بالصينية وتترك لتبرد حوالي ساعة

تقلب وتقسم مربعات او مستطيلات ويغطس طرفها بالشوكلاتة المذابة

اما الوصفة الثانية فهي بالتمر ومناسبة جدا بالعيد...مربعات التمر بالشوفان

مربعات التمر بالشوفان

المقادير:

للحشوة:

1/2 باكيت تمر مطحون

2-3 ملاعق طعام ماء

ملعقة صغيرة فانيلا

للبسكوت:

2 كوب شوفان

كوب طحين

3/4 كوب سكر بني

1/2 ملعقة صغيرة ملح

1/8 ملعقة صغيرة قرفة

2 اصبع زبدة بارد مقطع مكعبات

الطريقة:

يحمى الفرن الى 175

يدهن صحن بايركس بالقليل من الزبدة

تعجن مكونات الحشوة

توضع مكونات البسكوت في مطحنة العام وتطحن بسرعة لتصبح قتات وليس عجين واذا باليد تفرك لتصبح فتات

نأخذ 1/2 كمية البسكوت وترص في صحن البايركس

نوزع التمر 

نرص بقية البسكوت فوق التمر

تخبز من 20-25 دقيقة حتى تظهر رائحتها الزكية وتصبح ذحبية اللون

تترك لتبرد ثم تقطع...

وصحتين وعافية

الصورة بالكاميرا القديمة :)